風水佬呃你十年八年，但香港政府隨時呃足你一世。話說運房局facebook專頁「路人甲 Any Walker」2016年10月成立，一直搞唔起，截至2017年9月追蹤人數不足1400人，之後仲高薪請小編，以為諗住發力啦。點知今日一search，連個page都唔見埋，請小編份公帑用咗去邊？無人知。
網上仍有呢份工嘅JD，職責中列明要協助管理運房局的社交媒體平台、在社交媒體上監察與局方工作範疇有關的新聞，以及就房屋及運輸相關事務進行研究和分析，當然亦包括社交媒體研究等，月薪高達3.5萬至5.5萬元。𠵱家page無咗，研究主任應該都要轉型，去搞「職責」入面嘅「執行運輸及房屋局指派的其他職務」吧。
不過根據當時聘用條款，獲取錄的申請人會按非公務員合約條款聘用，為期一年（其中一個月為試用期）。To續約 or Not To 續約, that is the question.
Search